05 ივნისი 2009
მამა დავითის მონასტერში აღდგენითი სამუშაოები დასრულდა
საქართველოს მართლმადიდებელმა ეკლესიამ 4 ივნისს ღირსი მამის დავით გარეჯელის ხსენების დღე აღნიშნა. უწმინდესმა და უნეტარესმა , სრულიად საქართველოს კათალიკოს-პატრიარქმა ილია II მთაწმინდის მამა დავით გარეჯელის ტაძარში საზეიმო წირვა აღავლინა და დაათვალიერა ჩატარებული სარეაბილიტაციო სამუშაოები, რომელიც 8 თვის განმავლობაში მიმდინარეობდა მონასტერში. ამ ხნის განმავლობაში ფონდ „ერთგულება“-ს, ქ. თბილისის მერიის და ფონდ „ცისკარი“-ს ერთობლივი ძალისხმევით ჩატარდა ძირითადი ტაძრის რეკონსტრუქცია, აიგო ღვთისმშობლის ტაძარი, მოპირქეთდა ეზო და ტაძართან მისასვლელი გზა, აიგო კაფე და საეკლესიო მაღაზია, გაკეთდა ავტო სადგომი და სადრენაჟო სისტემა, რომელმაც ტაძარი დანგრევას გადაარჩინა. |
|