16 თებერვალი 2009
საქართველოს წყალბურთის ასოციაციის პრეზენტაცია
| 16 თებერვალს საქველმოქმედო ფონდ “ერთგულება”-ს მხარდაჭერით ჩატარდა საქართველოს წყალბურთის ეროვნული ასოციაციის პრეზენტაცია. საქართველოში წყალბურთის განვითარება-აღორძინებაზე საწყალოსნო სახეობების ფედერაციასთან ერთად ამიერიდან ვეტერანი წყალბურთელების მიერ დაფუძნებული ასოციაციაც იზრუნებს. დღეისათვის წყალბურთი მიჩნეულია ერთერთ ყველაზე პერსპექტიულ სპორტის სახეობად ოლიმპიურ თამაშებზე საქართველოს წარსადგენად და ასოციაიის ჩამოყალიბება ემსახურება სწორედ ამ სახეობის განვითარების ხელშეწყობას, გუნდებისთვის და ნაკრებისთვის პერსპექტიული მოთამაშეების აღზრდას და მათთვის ვარჯიშის და თამაშის მაქსიმალურად ხელშემწყობი პირობების შექმნას. ასოციაციაში გაერთიანება ნებისმიერ მსურველს შეეძლება. საქართველოს წყალბურთის ეროვნულ ასოციაციას საქველმოქმედო ფონდი “ერთგულება” ფინანსურ მხარდაჭერას გაუწევს. |
|
