ტელეკომპანია ”ივერია”

საქველმოქმედო ფონდმა ”ერთგულება” საქართველოს საპატრიარქოს ტელევიზიას ”ივერია” დახმარების სახით 10000 ლარი გადაურიცხა.

თბილისის პირველი კლასიკური გიმნაზია 

2009 წლის დასაწყისში  საქველმოქმედო ფონდ „ერთგულება“-ს ხელშეწყობით დაიწყო თბილისის პირველი კლასიკური გიმნაზიის ისტორიული დარბაზის რეკონსტრუქცია.  აღდგენილი ქართული თეატრის ისტორიის პირველი დღეები სწორედ ამ დარბაზთან არის დაკავშირებული. 1850 წლის 14 იანვარს გიმნაზიის სცენაზე პირველად დაიდგა ამავე სკოლის ყოფილი მოსწავლის - გიორგი ერისთავის - პიესა "გაყრა", ამ დღიდან სათავეს იღებს ქართული თეატრი.
ივნისის  შუარიცხვებში ფონდის მიერ აღდგენილი დარბაზის სცენაზე გაიმართა გიმნაზიის მოსწავლეების მიერ დადგმული წარმოდგენა, რომელიც მოიცავს სცენებს სპეკტაკლებიდან „გაყრა“ და „ქეთო და კოტე“.